Төв аймгийн 2017 оны 9, 10, 11-р сарын намрын улирлын цаг уурын тойм

Төв аймгийн 2017 оны 09, 10, 11-р сарын намрын улирлын цаг уурын тойм 

2017 оны 9-р сарын агаарын дундаж температур 7…12 градус дулаан байсан нь өмнөх оны 9-р сартай харьцуулахад 0...2 градус хүйтэн, 10-р сарын агаарын дундаж температур -4...2 градус дулаан байсан нь өмнөх оны 10-р сартай харьцуулахад 0...4 градус дулаан, 11-р сарын агаарын дундаж температур 10...17 градус хүйтэн байсан нь өмнөх оны 11-р сартай харьцуулахад -2...3 градус дулаан байсан.

9-р сард агаарын үнэмлэхүй их температур 23...29 градус дулаан байснаас Мөнгөнморьт суманд 23 градус, Батсүмбэр суманд 29 градус дулаан байсан. Үнэмлэхүй бага температур 3...13 градус хүйтэн байснаас Заамар суманд 3 градус, Баян, Эрдэнэ суманд 13 градус хүйтэн байв.                                   

10-р сард агаарын үнэмлэхүй их температур 17...22 градус дулаан байснаас Мөнгөнморьт, Батсүмбэр суманд 17 градус, Баянцагаан, Дэлгэрхаан суманд 22 градус дулаан байв. Үнэмлэхүй бага температур 11...22 градус хүйтэн байснаас Лүн, Борнуур, Заамар суманд 11 градус, Мөнгөнморьт суманд 22 градус хүйтэн байв.                                 

9-р сард хөрсөнд 40 градусаас дулаан өдрийн тоо 1-14 өдөр, Мөнгөнморьт суманд 1 өдөр, Баян-Өнжүүл, Лүн суманд 14 өдөр байв.

11-р сард агаарын үнэмлэхүй их температур 6-16 градус дулаан байснаас Мөнгөнморьт суманд 6 градус, Баянжаргалан суманд 16 градус дулаан байсан. Үнэмлэхүй бага температур 25...34 градус хүйтэн байснаас Баянцагаан суманд 25 градус, Баян суманд 34 градус хүйтэн байв.

11-р сард агаарт 30 градусаас хүйтэн байсан өдрийн тоо 1-6 өдөр, Бүрэн, Батсүмбэр, Эрдэнэ,  Өндөрширээт суманд 1 өдөр, Мөнгөнморьт суманд 6 өдөр байв.

9-р сард 4.8-70.6 мм тунадас орж, Бүрэн суманд 4.8 мм, Баянчандмань суманд 70.6 мм тунадас орсон. Бусад сумдын нутгаар 5.3-67.7 мм тунадас орсон. Тунадастай өдрийн тоо 3-14 өдөр байв.

10-р сард 0.0-18.6 мм тунадас орж, Бүрэн суманд 0.0 мм, Мөнгөнморьт суманд 18.6 мм тунадас орсон. Бусад сумдын нутгаар 0.1-15.8 мм тунадас орсон. Баянцагаан суманд тунадас ороогүй. Тунадастай өдрийн тоо 2-10 өдөр байв.

11-р сард 0.7-16.8 мм тунадас орж, Баянцагаан суманд 0.7 мм, Борнуур суманд 16.8 мм тунадас, бусад сумдын нутгаар 1.7-12.6 мм тунадас орсон байна. Тунадастай өдрийн тоо 2-15 өдөр байлаа. Намрын улиралд 11.3-96.3 мм тунадас орж, Баянжаргалан суманд 11.3 мм, Борнуур суманд 96.3 мм тунадас орсон.                                  

9-р сард явган шороон шуургатай өдрийн тоо 1-4 өдөр, 10-р сард явган шороон шуурга, шороон шуургатай өдрийн тоо 1-3 өдөр, явган цасан шуурга, орон шуургатай өдрийн тоо 1-3 өдөр, 11-р сард явган цасан шуурга, орон шуурга, намын цасан шуургатай өдрийн тоо 1-8 өдөр байв.

9-р сард салхины их хурд 7-20 м/с, Цээл суманд 7 м/с, Зуунмод суманд 20 м/с, Борнуур, Цээл суманд 10 м/с хүрч салхилаагүй. 10 м/с-ээс их хурдтай өдрийн тоо 1-15 өдөр, Баянжаргалан, Заамар, Баянцагаан, Дэлгэрхаан суманд 1 өдөр, Зуунмод суманд 15 өдөр байв.

10-р сард салхины их хурд 8-18 м/с, Баянжаргалан суманд 8 м/с, Зуунмод, Угтаал, Баянчандмань, Бүрэн суманд 18 м/с, Мөнгөнморьт, Борнуур, Баянжаргалан, Цээл, Баянцагаан сумдын нутгаар 10 м/с хүрч салхилаагүй. 10 м/с-ээс их хурдтай өдрийн тоо 1-13 өдөр, Дэлгэрхаан суманд 1 өдөр, Бүрэн суманд 13 өдөр байв.

11-р сард салхины их хурд 7-21 м/с, Баянцагаан суманд 7 м/с, Эрдэнэсант суманд 21 м/с хүрч салхилсан байна. Борнуур, Баянжаргалан, Баянцагаан, Эрдэнэ сумдын нутгаар 10 м/с хүрч салхилаагүй. 10 м/с-ээс их хурдтай өдрийн тоо 2-11 өдөр, Алтанбулаг, Баян-Өнжүүл, Цээл, Өндөрширээт суманд 2 өдөр, Бүрэн суманд 11 өдөр байлаа.

Тойм бичсэн:

ЦУУА-ын инженер                            Л. Энхцэцэг